Diogelu Plant

Mae gennym arweinydd diogelu ac arweinydd diogelu dirprwyol yn eu swyddi. Yr arweinydd yw’r person sy’n gyfrifol am adrodd pryderon ynghylch cam-drin ac esgeulustod i’r awdurdod perthnasol. Yn eu habsenoldeb, bydd yr arweinydd diogelu dirprwyol yn cymryd y cam hwn.

Yn ogystal, mae aelod o’n bwrdd ymddiriedolwyr wedi’i benodi i oruchwylio diogelu ar gyfer ein sefydliad, gan gynnwys adrodd pryderon difrifol i’r Comisiwn Elusennau a gwneud penderfyniadau ar bryderon diogelu yn ymwneud â’n staff a’n gwirfoddolwyr, neu blant ac oedolion sydd mewn perygl ac sydd dan eu gofal.

Sut dylid defnyddio’r polisi?

Rhaid i’r holl staff a gwirfoddolwyr, gan gynnwys uwch-reolwyr ac ymddiriedolwyr, ddilyn y polisi hwn. Mae hefyd yn berthnasol i unrhyw un sy’n gweithio ar ran ein sefydliad.

Mae’r polisi hwn yn canolbwyntio ar bryderon diogelu sy’n deillio o ryngweithio â chleientiaid a phobl eraill sy’n defnyddio ein gwasanaeth; fodd bynnag, mae’r dyletswyddau cyfreithiol a’r egwyddorion a amlinellir yn y ddogfen hon hefyd yn berthnasol i blant nad ydynt yn gleientiaid i ni. Er enghraifft, plentyn cleient, unrhyw un o dan 18 oed sy’n gwirfoddoli, buddiolwyr neu gysylltiadau eraill sy’n bodloni ein diffiniad o blant mewn perthynas â’r polisi diogelu hwn.

Ni ddylai neb anwybyddu honiadau neu amheuon o gam-drin neu esgeulustod; mae diogelu yn gyfrifoldeb i bawb.

Pam fod gennym bolisi?

Mae gennym bolisi i:

amddiffyn plant a phobl ifanc sy’n defnyddio ein gwasanaethau. Mae hyn yn cynnwys plant sydd mewn cysylltiad ag oedolion sy’n defnyddio ein gwasanaethau
nodi’n fanwl beth a wnawn i gadw plant yn ddiogel a sut y byddwn yn delio ag unrhyw bryderon sydd gennym ynghylch diogelwch plentyn
darparu’r egwyddorion trosafael sy’n llywio ein dull o ddiogelu plant ac amddiffyn plant i staff a gwirfoddolwyr

Mae’n bwysig bod gennym bolisi oherwydd, yn ystod ein gwaith o ddydd i ddydd, gall staff a gwirfoddolwyr ddod i gysylltiad â phlant. Mewn rhai achosion, bydd hyn yn gysylltiad achlysurol, er enghraifft pan fydd cleient sy’n oedolyn yn dod â’i blentyn gydag ef i apwyntiad.

Gall hefyd fod sefyllfaoedd lle mae staff a gwirfoddolwyr yn darparu cyngor neu wasanaethau i gleientiaid sy’n blant.

Ein nod yw cadw plant yn ddiogel ac atal niwed rhag digwydd iddynt. Rydym wedi ymrwymo i:

gael arferion recriwtio cadarn
sicrhau bod yr holl staff a gwirfoddolwyr yn deall ac yn ymwybodol o ddiogelu plant
sicrhau bod yr holl staff a gwirfoddolwyr yn gwybod sut i godi pryderon diogelu ac yn teimlo’n hyderus i wneud hynny

Beth rydym yn ei olygu wrth ddiogelu?

Mae ‘diogelu’ fel arfer yn ymwneud â phlant (a ddiffinnir fel unigolion dan 18 oed) ac oedolion sydd mewn perygl (a elwir hefyd yn oedolion agored i niwed), ac mae deddfwriaeth a gofynion rheoleiddiol penodol yn berthnasol iddynt.

Mae ein rheoleiddir, y Comisiwn Elusennau, yn ystyried bod diogelu yn golygu cymryd camau rhesymol i amddiffyn pobl rhag cam-drin neu niwed wrth i ni ddod i gysylltiad â nhw, boed hynny wrth weithio ar-lein neu wyneb yn wyneb.

Ein dyletswyddau cyfreithiol ac aelodaeth

Mae’n ofyniad o aelodaeth Citizens Advice ein bod yn gweithredu o fewn y deddfau a’r rheoliadau perthnasol i ddiogelu pobl sy’n dod i gysylltiad â’n gwasanaeth rhag niwed a cham-drin.

Mae amddiffyn pobl a chyfrifoldebau diogelu yn flaenoriaeth lywodraethu i’n sefydliad. Mae’n rhan sylfaenol o’r ffordd rydym yn gweithredu fel elusen er budd y cyhoedd. Mae diogelu yn gyfrifoldeb i bawb yn ein sefydliad.

Mae Deddf Plant 2004 yn gosod dyletswydd statudol ar asiantaethau i gydweithredu i ddiogelu a hyrwyddo lles plant. Er nad yw adran 11 o’r Ddeddf yn rhestru elusennau fel un o’r sefydliadau sydd o dan gwmpas y ddeddfwriaeth, rydym yn cydnabod y gall Citizens Advice dderbyn cyllid neu gael contract i ddarparu gwasanaethau ar ran y sefydliadau hynny; felly, mae’n hanfodol ein bod yn deall ein rôl o ran diogelu a hyrwyddo lles plant wrth ddarparu gwasanaeth.

Mae Deddf Gwasanaethau Cymdeithasol a Lles (Cymru) 2014 yn gosod dyletswydd statudol ar asiantaethau i gydweithredu i ddiogelu a hyrwyddo lles plant.

Mae’n anarferol i ni ddod i gysylltiad â phlant wrth ddarparu ein gwasanaeth o ddydd i ddydd, ond pan fyddwn yn gwneud hynny, neu os dewiswn ddarparu gwasanaeth sydd wedi’i anelu at blant, rydym yn defnyddio adnoddau ac yn dilyn safonau gan yr NSPCC ar gyfer diogelu plant.

Mae’r canllawiau statudol ‘Working together to safeguard children’ (Gweithio gyda’n gilydd i ddiogelu plant) yn nodi:

‘Mae gan bawb sy’n gweithio gyda phlant gyfrifoldeb i’w cadw’n ddiogel. Ni all un ymarferydd yn unig gael darlun llawn o anghenion ac amgylchiadau plentyn ac, os yw plant a theuluoedd i dderbyn y cymorth cywir ar yr amser cywir, mae gan bawb sy’n dod i gysylltiad â nhw rôl i’w chwarae wrth nodi pryderon, rhannu gwybodaeth a chymryd camau prydlon.’

Mae Gweithdrefnau Diogelu Cymru yn helpu ymarferwyr i gymhwyso’r ddeddfwriaeth o Ddeddf Gwasanaethau Cymdeithasol a Llesiant (Cymru) 2014 a’r canllawiau statudol ar ddiogelu, *Gweithio gyda’n gilydd i ddiogelu pobl*. Maent yn nodi:

‘Mae diogelu effeithiol yn gofyn i bob ymarferwr a sefydliad chwarae eu rhan a chyfrannu at ddiogelu a hyrwyddo llesiant y plentyn.’

Byddwn yn ystyried y dyletswyddau hyn yn ein gwaith gyda phlant sy’n dod i gysylltiad â’n gwasanaeth, ac yn cefnogi awdurdodau lleol i gyflawni eu dyletswyddau statudol lle bo modd.

Mae hyn yn cynnwys:

diogelu plant rhag cam-drin a thriniaeth wael
atal niwed i iechyd neu ddatblygiad plant
sicrhau bod plant yn tyfu i fyny gyda darpariaeth gofal diogel ac effeithiol
cymryd camau i alluogi pob plentyn a pherson ifanc i gael y canlyniadau gorau

Pwy sy’n cael ei ddiogelu gan y polisi hwn?

Mae diogelu a diogelu plant yn berthnasol i bob plentyn a pherson ifanc o dan 18 oed. Mae hyn yn cynnwys ein cleientiaid a phlant rydym yn dod i gysylltiad â nhw wrth ddarparu ein gwasanaeth. Sylwer y dylid ystyried pryderon ynghylch pobl dros 18 oed o dan ein polisi ar wahân ar gyfer diogelu oedolion.

Rydym yn cydnabod:

bod lles y plentyn o’r pwys mwyaf, fel y nodir yn Neddf Plant 2004
bod gan bob plentyn – waeth beth fo’u hoedran, hil, anabledd, ailbennu rhyw, statws priodas/partneriaeth sifil, beichiogrwydd, mamolaeth, crefydd neu gred, rhyw a chyfeiriadedd rhywiol – hawl i amddiffyniad cyfartal rhag pob math o niwed a chamdriniaeth
bod rhai plant yn arbennig o agored i niwed oherwydd effaith profiadau blaenorol, eu lefel o ddibyniaeth, anghenion cyfathrebu neu faterion eraill

Beth yw camdriniaeth plant?

Rydym yn dilyn canllawiau ar ddiogelu plant a ddarperir gan y NSPCC, sef elusen flaenllaw ym maes diogelwch plant.

Mae gan yr NSPCC wybodaeth helaeth am gamdriniaeth plant, y gwahanol fathau o gamdriniaeth, ac arwyddion a symptomau camdriniaeth plant.

Nid rhestr gynhwysfawr o arwyddion a symptomau plentyn sy’n dioddef camdriniaeth ac esgeulustod yw’r dangosyddion a nodir isod, ond crynodeb o’r prif fathau o gamdriniaeth plant at ddibenion y polisi hwn.

Math o gam-drin Manylion y cam-drin

Esgeulustod / methu â gweithredu Mae esgeulustod yn fethiant parhaus i ddiwallu anghenion sylfaenol plentyn, a dyma’r math mwyaf cyffredin o gam-drin plant. Gall plentyn gael ei adael yn newynllyd neu’n fudr, neu heb ddillad, lloches, goruchwyliaeth na gofal iechyd priodol.

Cam-drin domestig Cam-drin domestig yw unrhyw fath o ymddygiad rheoli, bwlio, bygwth neu dreisgar rhwng pobl mewn perthynas. Gall niweidio plant a phobl ifanc yn ddifrifol, ac mae clywed neu weld cam-drin domestig yn gyfystyr â cham-drin plant.

Cam-drin emosiynol / seicolegol Yn cynnwys cam-drin emosiynol parhaus ar blentyn. Weithiau gelwir hyn yn cam-drin seicolegol. Gall cam-drin emosiynol gynnwys ceisio dychryn, gwneud i blentyn deimlo’n gywilyddus, yn ynysig neu’n cael ei anwybyddu yn fwriadol.

Cam-drin rhywiol Pan gaiff plentyn ei gam-drin yn rhywiol, caiff ei orfodi neu ei dwyllo i gymryd rhan mewn gweithgareddau rhywiol. Efallai na fyddant yn deall bod yr hyn sy’n digwydd yn cam-drin neu ei fod yn anghywir. Ac efallai y byddant yn ofni dweud wrth rywun. Gall cam-drin rhywiol ddigwydd unrhyw le – ac yn bersonol neu ar-lein. Nid bai’r plentyn yw hi byth eu bod wedi cael eu cam-drin yn rhywiol – mae’n bwysig sicrhau bod plant yn gwybod hyn.

Ecsbloetio rhywiol plant (CSE)

Ymddygiad rhywiol afiach neu amhriodol

Ofni rhai pobl, lleoedd neu sefyllfaoedd
Bod yn gyfrinachol
Newidiadau sydyn mewn hwyliau neu bersonoliaeth
Cael arian neu bethau na allant neu na fyddant yn eu hegluro
Arwyddion corfforol o gam-drin, fel cleisiau neu waedu yn ardal yr organau cenhedlu neu’r anws
Camddefnyddio alcohol neu gyffuriau
Heintiau a drosglwyddir yn rhywiol
Beichiogrwydd

Cam-drin ar-lein Cam-drin ar-lein yw unrhyw fath o gam-drin sy’n digwydd ar y rhyngrwyd. Gall ddigwydd ar unrhyw ddyfais sydd wedi’i chysylltu â’r we, fel cyfrifiaduron, tabledi a ffonau symudol. A gall ddigwydd unrhyw le ar-lein, gan gynnwys cyfryngau cymdeithasol, negeseuon testun ac apiau negeseua, e-byst, sgyrsiau ar-lein, gemau ar-lein a safleoedd ffrydio byw.

Cam-drin corfforol Cam-drin corfforol yw pan fydd rhywun yn brifo neu’n niweidio plentyn neu berson ifanc yn fwriadol. Mae’n cynnwys: taro â dwylo neu wrthrychau, slapio a dyrnu, cicio, ysgwyd, taflu, gwenwyno, llosgi a sgaldio, brathu a chrafu, torri esgyrn a boddi.

Anffurfio organau cenhedlu benywod (FGM) Mae FGM yn digwydd pan gaiff organau cenhedlu benyw eu newid neu eu tynnu’n fwriadol am resymau nad ydynt yn rhai meddygol. Fe’i gelwir hefyd yn ‘enwaediad benywod’ neu’n ‘dorri’, ond mae ganddo lawer o enwau eraill.

Bwlio / bwlio ar-lein Ni fydd un arwydd yn dangos yn bendant bod plentyn yn cael ei fwlio, ond cadwch lygad am:

eiddo yn cael ei ‘golli’ neu ei ddifrodi, anafiadau corfforol (fel cleisiau heb esboniad), ofn mynd i’r ysgol neu beidio â mynd i’r ysgol, perfformio’n waeth yn yr ysgol, gofyn am arian neu ddwyn arian (i’w roi i’r sawl sy’n eu bwlio), bod yn nerfus, colli hyder, neu fynd yn ofidus ac yn encilgar, problemau bwyta neu gysgu, bwlio eraill.

Masnachu plant Pan gaiff plant eu twyllo, eu gorfodi neu eu perswadio i adael eu cartrefi a’u symud neu eu cludo, ac yna’n cael eu cam-fanteisio arnynt, eu gorfodi i weithio neu eu gwerthu.

Cam-drin sefydliadol Gall ddigwydd mewn amrywiol leoliadau fel ysbyty, ysgol neu gartref gofal. Gall y math hwn o gam-drin fod yn ddigwyddiadau unigol yn ogystal â phatrymau parhaus o gam-drin.

Grooming Pan fydd rhywun yn meithrin perthynas, ymddiriedaeth a chysylltiad emosiynol gyda phlentyn neu berson ifanc er mwyn gallu eu trin, eu cam-fanteisio a’u cam-drin.

Gall plant a phobl ifanc sy’n cael eu paratoi ar gyfer cam-drin gael eu cam-drin yn rhywiol, eu cam-fanteisio neu eu masnachu.

Caethwasiaeth fodern

Mae’r math hwn o gamdriniaeth yn cynnwys caethwasiaeth, masnachu pobl, llafur gorfodol a chaethwasiaeth ddomestig

Sylwer, os oes amheuaeth o gaethwasiaeth fodern, efallai y byddwn yn defnyddio Mecanwaith Atgyweirio Cenedlaethol y DU yn ogystal â dilyn ein proses atgyweirio diogelu. Gallai’r arwyddion gynnwys y canlynol:

arwyddion o gamdriniaeth gorfforol neu emosiynol
ymddangos yn ddiffygiol o ran maeth, yn anhrefnus neu’n encilgar
ynysu oddi wrth y gymuned, ac ymddangos fel pe baent dan reolaeth neu ddylanwad pobl eraill
byw mewn llety budr, cyfyng neu orlawn a/neu fyw a gweithio yn yr un cyfeiriad
diffyg eiddo personol neu ddogfennau adnabod
gwisgo’r un dillad bob amser
osgoi cyswllt llygad, ac ymddangos yn ofnus neu’n betrusgar i siarad â dieithriaid

Cam-fanteisio troseddol a gangiau Mae cam-fanteisio troseddol yn fath o gamdriniaeth plant lle mae plant a phobl ifanc yn cael eu trin a’u gorfodi i gyflawni troseddau.

Hunan-esgeulustod Er nad yw’r NSPCC yn ystyried hyn yn ffurf swyddogol ar gamdriniaeth, mae’n bwysig ystyried achosion lle mae plentyn yn hunan-niweidio neu’n sôn am hunanladdiad fel hunan-esgeulustod. Gallai fod yn arwydd bod plentyn yn profi math arall o gamdriniaeth neu fod angen cymorth iechyd meddwl arno.

Plant a theuluoedd sydd mewn perygl

Mae ymchwil yn dangos bod rhai plant sydd wedi profi cam-drin yn rhannu nodweddion tebyg sy’n eu gwneud yn fwy agored i niwed. Nid yw cael y nodweddion hyn o reidrwydd yn golygu y byddant yn profi cam-drin neu esgeulustod, ond gwyddom fod yr heriau hyn yn aml yn gysylltiedig â’i gilydd; po fwyaf o broblemau y mae plentyn a’i deulu yn eu profi, mwyaf yw’r risg o gam-drin (Cleaver, Unell ac Aldgate, 2011).

plant sy’n profi problemau iechyd meddwl rhieni
plant sy’n profi camddefnyddio sylweddau gan rieni
plentyn sydd wedi bod yng ngofal yr awdurdod lleol am fwy na 24 awr (plentyn ‘sy’n cael ei ofalu amdano’)
plant byddar ac anabl
plant mewn cartrefi lle mae cam-drin domestig wedi digwydd neu’n digwydd ar hyn o bryd

Fel rhan o ddarparu ein gwasanaeth, byddwn yn arbennig o wyliadwrus am arwyddion o gam-drin plant lle rydym yn ymwybodol bod y nodweddion uchod yn bresennol.

Radicaleiddio a diogelu

Os ydym yn pryderu bod plentyn yn cael ei radicaleiddio, rydym yn dilyn ein gweithdrefn ddiogelu; ond rydym hefyd yn ystyried canllawiau statudol y ‘Strategaeth Atal’ (Prevent Strategy). Rydym yn cydnabod ein cyfrifoldeb o dan y canllawiau hyn ei roi sylw dyledus i’r angen i atal pobl rhag cael eu denu i derfysgaeth’.

Bydd ein staff a’n gwirfoddolwyr yn ymwybodol o radicaleiddio ac yn adrodd unrhyw bryderon gan ddefnyddio ein polisïau diogelu ar gyfer oedolion a phlant.

Cyfrinachedd a diogelu

Mae cyfrinachedd yn un o egwyddorion sylfaenol Citizens Advice. Mae’n bwysig bod ein cleientiaid yn gallu ymddiried ynom a gwybod bod yr wybodaeth y maent yn ei rhannu yn cael ei thrin yn gyfrinachol.

Os yw person o dan 18 oed yn gleient i ni, dylai manylion y cyngor a roddir iddynt aros yn gyfrinachol, hyd yn oed os yw eu rhiant (neu rieni) neu warcheidwad yn gofyn amdanynt.

Fodd bynnag, os oes gennym amheuaeth, neu os yw gwybodaeth wedi’i datgelu ynghylch cam-drin, mae gennym gyfrifoldeb i gymryd camau. Nid yw ein hegwyddorion yn trechu’r angen i amddiffyn plant rhag cam-drin.

Pan fydd aelod o staff neu wirfoddolwr yn amau bod plentyn yn cael ei gam-drin, neu’n derbyn gwybodaeth sy’n honni bod cam-drin yn digwydd, dylent ddilyn y camau yn y weithdrefn ddiogelu.

Yn unol â’r egwyddor o rymuso, dylid archwilio barn a dymuniadau’r person dan sylw er mwyn llywio ein penderfyniad ynghylch a ddylid adrodd pryder diogelu; fodd bynnag, efallai na fydd bob amser yn bosibl nac yn briodol cael caniatâd gan blentyn i adrodd pryder diogelu.

Nid oes angen trafod pryder diogelu gyda phlentyn cyn datgelu gwybodaeth gyfrinachol ac adrodd i awdurdod lleol, os yw gwneud hynny er budd gorau’r plentyn. Fodd bynnag, mewn sefyllfaoedd lle mae gan blentyn y gallu i wneud penderfyniadau drosto’i hun, byddwn yn ceisio trafod y pryder gydag ef. Byddwn hefyd yn egluro wrtho yn ystod y drafodaeth hon, hyd yn oed os nad yw am i ni wneud hynny, efallai y bydd angen i ni adrodd ein pryderon o hyd yn unol â’n rhwymedigaethau statudol fel elusen.

Bydd sefyllfaoedd lle na ellir cynnal cyfrinachedd rhyngom ni a chleient. Mae hyn yn cynnwys:

sefyllfaoedd lle mae’r plentyn rydym yn poeni amdano mewn perygl difrifol ac uniongyrchol, a heb amser i gael caniatâd i ddatgelu gwybodaeth
pan nad yw’n bosibl cael caniatâd, neu pan nad yw’r plentyn yn gallu rhoi caniatâd (er enghraifft, pan fo’r person sy’n cam-drin yn bresennol drwy’r amser)
pan nad yw’n briodol i ni geisio caniatâd, oherwydd gallai hynny roi’r plentyn rydym yn poeni amdano mewn mwy o berygl

Yn y sefyllfaoedd hyn, mae lles y plentyn yn bwysicach na’n hegwyddor o gyfrinachedd. Mae ein gweithdrefn diogelu yn nodi’r broses ar gyfer datgelu gwybodaeth a chodi pryder diogelu.

Sgrinio staff a gwirfoddolwyr

Rydym yn sicrhau bod yr holl staff a gwirfoddolwyr sy’n gweithio mewn rolau sydd â hawl gyfreithiol i gael gwiriad gan y Gwasanaeth Datgelu a Gwahardd (DBS) yn cael eu sgrinio; byddwn hefyd yn gofyn am eirdaon priodol fel rhan o’n proses sgrinio, ac yn cadw’r hawl i aros am ganlyniadau gwiriadau DBS a geirdaon cyn caniatáu i berson ddechrau yn y rôl honno. Os nad oes gan rôl hawl i wiriad safonol neu fanwl, gall ein prif swyddog ddewis gofyn i rai aelodau o staff neu wirfoddolwyr gael gwiriad sylfaenol.

Fel polisi sefydliadol, os yw gwiriad DBS yn datgelu euogfarn heb ei disbyddu (un sy’n dal i fod yn berthnasol) am drosedd rywiol yn erbyn plentyn neu oedolyn agored i niwed, ni fydd yr unigolyn yn cael ei gyflogi na’i recriwtio. Hefyd, ni fyddwn yn cyflogi nac yn recriwtio unrhyw un sy’n cyflawni gweithgaredd rheoledig fel rhan o’u rôl os ydynt wedi’u gwahardd rhag gweithio gydag oedolion neu blant. Bydd unrhyw euogfarnau eraill yn cael eu hystyried yn unigol.

Mae’n ofynnol yn gyfreithiol i ni roi gwybod i’r Comisiwn Elusennau a’r DBS am unrhyw ddigwyddiadau lle mae aelod o staff neu wirfoddolwr yn cael camau disgyblu neu’n cael ei ddiswyddo am ymddygiad amhriodol gyda phlentyn neu yn erbyn plentyn.

Mae rhagor o wybodaeth ar gael yn ein polisïau ynghylch DBS a chyn-droseddwyr.

Goruchwyliaeth, hyfforddiant a diogelu

Darperir hyfforddiant cynefino trylwyr i sicrhau bod staff a gwirfoddolwyr yn ymwybodol o arferion diogelu da, yn ogystal â gwerthoedd craidd y gwasanaeth a materion cyfrinachedd.

Caiff staff a gwirfoddolwyr oruchwyliaeth reolaidd, a chaiff eu hanghenion hyfforddi eu hasesu.

Cynhelir gwiriadau achos rheolaidd, ac ymchwilir i unrhyw gyswllt anarferol neu ormodol â phlentyn.

Mae hyfforddiant diogelu priodol ar gael i’r holl staff a gwirfoddolwyr. Gall hyn fod ar ffurf:

dysgu ar-lein a ddarperir gan Citizens Advice cenedlaethol
sesiynau ymwybyddiaeth o bolisïau a gynhelir yn fewnol
sesiynau briffio gan awdurdod lleol neu awdurdod perthnasol arall
mynychu hyfforddiant a drefnir trwy asiantaethau partner

Ymddygiad staff a gwirfoddolwyr

Os amheuir aelod o staff neu wirfoddolwr o ymddygiad amhriodol wrth gyflawni eu rôl – ymddygiad a allai roi plentyn mewn perygl o niwed – caiff hyn ei ymchwilio ar unwaith yn unol â’r polisi priodol. Gallant gael eu hatal dros dro yn ystod yr ymchwiliad, a byddwn yn dal i anelu at gwblhau’r ymchwiliad hyd yn oed os bydd yr aelod o staff neu’r gwirfoddolwr yn ymddiswyddo.

Os caiff aelod o staff neu wirfoddolwr ei ddiswyddo o’i rôl oherwydd pryderon diogelu sy’n deillio o’i weithredoedd neu ddiffyg gweithredu, mae gennym gyfrifoldeb fel darparwr gweithgareddau rheoleiddied i hysbysu’r Disclosure and Barring Service (DBS). Byddwn yn dilyn y canllawiau a nodwyd gan y Disclosure and Barring Service yn y sefyllfaoedd hyn. Gall hefyd fod yn briodol cyflwyno adroddiad ar ddigwyddiad difrifol i’r Comisiwn Elusennau ac i gyrff ariannu a rheoleiddio perthnasol eraill.

Rydym yn cadw’r hawl i rannu manylion ffeithiol, teg a chymesur am y sefyllfa gyda chyflogwyr eraill os gofynnir i ni ddarparu geirda.

Datblygu gwasanaethau newydd

Bydd unrhyw wasanaethau newydd sy’n cael eu datblygu yn ystyried yr angen i ddiogelu plant. Gellir cyflawni hyn drwy:

gynnal asesiad risg o’r gweithgareddau arfaethedig
cytuno ar fesurau diogelu gyda sefydliadau partner, gan gynnwys protocolau rhannu gwybodaeth
ceisio cyngor arbenigol, er enghraifft gan y bwrdd lleol diogelu plant

Gweithio gydag asiantaethau statudol lleol

Gall Byrddau Diogelu gynnal adolygiadau neu ymchwiliadau a gallant ei gwneud yn ofynnol i ni ddarparu gwybodaeth. Mae’r byrddau’n cynnwys cynrychiolwyr o awdurdodau lleol, cyrff statudol eraill ac asiantaethau partner.

Byddwn yn darparu gwybodaeth y gofynnir amdani gan fwrdd diogelu o dan yr amgylchiadau canlynol:

rhaid gofyn am y wybodaeth er mwyn galluogi’r bwrdd i gyflawni ei swyddogaethau
rhaid i’r person neu’r corff y gofynnir iddo ddarparu’r wybodaeth fod â swyddogaethau neu fod yn ymwneud â gweithgareddau o’r fath fel bod y bwrdd yn ystyried ei bod yn debygol bod ganddo wybodaeth sy’n berthnasol i swyddogaeth y bwrdd

Yn gyffredinol, nid oes rhwystr i ni gymryd rhan mewn adolygiad diogelu, ymchwiliad troseddol neu Adolygiad o Achos Difrifol os oes angen gwneud hynny. Gwneir hyn yng nghyd-destun ein polisi ar gyfrinachedd cleientiaid, a defnyddir y broses gyfrinachedd.

Gweithio gyda chomisiynwyr awdurdodau lleol

Weithiau, mae comisiynwyr ar lefel awdurdod lleol eisiau gweld eu protocolau diogelu eu hunain yn cael eu hadlewyrchu ym mholisi lleol Cyngor ar Bopeth. Dyma rai camau allweddol y byddwn yn ystyried eu cymryd:

cyn comisiynu, sicrhau ein bod yn ymwybodol o arweinydd diogelu dynodedig yr awdurdod lleol a swyddogaethau eu tîm, a’r Bwrdd Diogelu Oedolion lleol (Lloegr) neu’r Bwrdd Diogelu sy’n seiliedig ar ardal (Cymru)
lle bo modd cyn comisiynu, cymryd rhan mewn hyfforddiant neu friffiau diogelu awdurdodau lleol
cyn comisiynu neu’n gynnar yn y comisiynu, adolygu protocolau diogelu awdurdodau lleol i wneud yn siŵr bod ein polisi’n adlewyrchu trefniadau lleol
os yw polisïau awdurdodau lleol yn ymddangos yn gwrthdaro â pholisïau neu egwyddorion Cyngor ar Bopeth, cysylltu â’n Rheolwr Perthynas i drafod ffyrdd ymlaen